Основатель монастыря

p1120825

Преподобный Трифон Печенгский

Основатель и духовный покровитель монастыря- Преподобный Трифон Печенгский.

Преподобный Трифон Печенгский, Кольский, просветитель лопарей
(память 15 декабря по старому стилю)

В миру его звали Митрофан, родился в 1495 г. в Новгородской губернии. Сын сельского священника из города Торжок, Митрофан (это уже потом он принял постриг в память мученика Трифона) пришел в земли полночные, чтобы привести к Христу погрязший в язычестве дремучий народ, о жизни которого знал из рассказов рыбопромышленников.
Придя на Кольский полуостров, на реку Печенгу, к лопарям, преподобный изучил их язык и обычаи и стал проповедовать им веру Христову. Двадцать лет ревностно трудился преподобный, терпя лишения, гонения и побои, ведь лопарские колдуны были самыми мощными чародеями во всей Европе. И все свои силы, чародеяния направляли лишь на одно – уничтожить Митрофана, но даже под страхом смерти не отступил он от апостольского служения.
Постепенно мудрым и кротким словом его многие язычники обратились ко Христу. В 1532 г. святой построил храм и основал при нем монастырь во имя Святой Троицы. Много трудностей перенес преподобный при устройстве обители в дикой стране.
Однажды преподобный, замесив тесто, вышел из своей келии. В это время туда зашел большой медведь и, опрокинув квашню, стал есть приготовленное тесто. Именем Божиим запретив зверю двигаться и наказав его, святой отпустил зверя. С тех пор ни медведи, ни волки не нападали на монастырское стадо оленей. Такую силу Господь дает своим угодникам, что даже и дикие звери повинуются им, как некогда повиновались праотцу нашему Адаму.
В другой раз преподобный купил для монастырских нужд в г. Коле ручные жернова. Путь предстоял долгий и утомительный: до Печенгского монастыря было около 150 верст. Всю дорогу святой сам нес жернова, а на просьбу учеников передать им свою ношу, ответил: «Лучше мне повесить себе на шею мельничный камень, чем смущать братию своею праздностью».
Показывая пример смирения, преподобный уклонился от игуменства, поставив настоятелем своего ученика.
В годы неурожая святой с несколькими братиями ходил в Новгородские земли, прося подаяния и отправляя собранное в монастырь. Особым расположением пользовался северный православный монастырь у царствующих особ. Он был оплотом государства Российского на северных рубежах. Царь Иоанн Грозный даровал монастырю жалованную грамоту на владение огромными территориями и иными богатствами. Богател и развивал свое хозяйство монастырь. Но не в радость это было самому Трифону. Молитва и стяжание Духа Святого – только это надо монаху. «Всякое житейское отложим попечение», – это про жизнь св. Трифона. В 1583 году, прожив на суровом севере 70 лет,  преподобный мирно почил о Господе 15 декабря 1583 г. в возрасте 88 лет. Перед смертью, со слезами на глазах, духоносный старец предсказал братии скорую гибель и разорение обители, но неизбежное восстановление и расцвет: «Не ослабевайте, Братия, упованием на Бога. Не оставит Господь жезла грешных на жребии своем, ибо силен и паки обновит свою обитель».  Но и после своего отшествия ко Господу он не покидает всех молящихся ему. Часто дивный заступник и на суше, и на море оказывает скорую помощь призывающим его.

Чудеса преподобного Трифона

    Житие преподобного Трифона повествует, что ещё при жизни он являл чудеса богоугодной жизни: власть над зверями, подвиги великой духовной крепости. Сразу после кончины Преподобного стали происходить чудеса его явления людям, помощи в различных бедах, исцелений. Преподобный Трифон никогда не оставлял свой северный край, множество раз являлся по молитвам к нему, спасая погибавших на суше и на море. Притекающие к нему с верой всегда получали и продолжают получать и ныне исцеления от болезней и помощь. Особенно славилась целебная сила мощей Преподобного. Именно поэтому сотни и тысячи паломников ежегодно приходили на могилу к его святым мощам на протяжении более чем трех веков, пока они не были скрыты от народа, впавшего в неверие, гордыню, поправшего тысячелетнюю веру своих предков.

   Первое же появление преподобного Трифона было благочестивому царю Феодору Иоанновичу при осаде Нарвы в феврале 1590 года. Осаждённые шведы на рассвете направили свои пушки на царский шатёр, когда царь ещё спал. И вот является ему во сне боголепный старец в иноческой одежде и говорит: «Встань, государь, выйди из шатра, иначе будешь убит». На вопрос царя, кто он, старец ответил: «Я тот Трифон, которому ты подал свою одежду, чтобы твоя милостыня предварила другие. Господь Бог мой послал меня к тебе». Царь проснулся и едва успел выйти из шатра, как ядро из города ударило прямо в царскую постель. Благодарный Феодор Иоаннович, глубоко тронутый Божией милостью, послал в Печенгскую обитель разыскать преподобного Трифона, узнал о его кончине, почтил его как святого и оказал монастырю большие милости.

   Память народная сохранила описание многих других чудес, совершённых преподобным Трифоном. В Коле сын стрельца Пастухова по имени Игнатий три года страдал расслаблением тела и глухотой. Уже близкие к отчаянию родители вспомнили врача душевного и телесного преподобного Трифона. Помолившись с верою над гробом Преподобного, они дали обет ехать в его обитель и потрудиться для него целый год. Уже на обратном пути внезапно стал слышать их отрок и совершенно окреп телом. Благодарные родители исполнили обещание и вместе с исцелённым сыном целый год работали в обители.

   Монах Печенгской обители Иосаф ослеп от тяжкой головной боли и, сильно страдая, помолился с сердечной верой Преподобному. Ночью явился светолепный инок, назвал себя Трифоном, начальником монастыря, и, прикоснувшись к глазам болящего, сказал: «Во имя Святой Троицы будь здоров и прозри, но держи монашество по обету». Воспрянул инок и радостно воскликнул: «Исцелился я и прозрел явлением преподобного отца нашего Трифона!». На голос его стеклись все обитатели монастыря, изумлённые чудом.

   Житель города Колы Илларион во время рыбалки проткнул себе веко и тяжело заболел. Лицо его опухло так, что даже не видно было глаза. Он уже отчаялся не только сохранить зрение, но и саму жизнь. Товарищи на лодке повезли его в город. Когда плыли они в Кольском заливе, Илларион начал с воплями призывать преподобного Трифона, обещая потрудиться в его обители до самой смерти. Товарищи, не видя никакого судна на море, запретили ему говорить, но он внезапно воскликнул: «Прозрел я и вижу!». Тут он рассказал, как один из светлых иноков, бывших на судне, приблизился к нему и воскрилием своей одежды прикоснулся к больному глазу, возвратив ему зрение и прекратив болезнь. Исцелённый Илларион до конца своей жизни трудился в обители преподобного Трифона, занимаясь ловом рыбы на Крестовой тоне.

   Старец Иосаф по обету пришёл из Кандалакшской обители в Печенгскую, но потрудившись завещанное время, впал в искушение пьянства. Тогда ему предстал с грозным видом сам преподобный Трифон, укоряя за то, что он нарушает иноческие обеты. Явившийся как бы наложил на Иосафа тяжкие оковы, которые он невидимо чувствовал на себе в течение семи дней, пока, раскаявшись, не был разрешён от них тем же чудным старцем.

Молитва святому преподобному Трифону, Печенгскому чудотворцу

О Всесвятыя Троицы угодниче, о блаженнейший и равноапостольный пастырю, преподобне отче наш Трифоне! Не забуди твоея паствы, поминай во святых твоих и богоприятных молитвах, приносимых в Троице славимому Богу, стадо твое, еже сам, по благовестию от ангела, пришествием твоим собрал и упасл еси. Понеже в сродстве твоего мирскаго жилища, слышав во святей церкви на утрени поющих: «Пустынным живот сокровен есть, божественным рачением воскриляющымся»; и от того восперився божественною любовию, оставль дом и сродство, и пришед вскрай северныя страны, просветил еси святым крещением неведущий Творца, всех Бога, лопарский народ, за еже, во утверждении христианския веры, многа изгнания и злоключения подъял еси. И близ реки Печенги в пустыню вселився, братию из многих градов и весей собрав, велию обитель воздвигл еси, и при отшествии к небесным селением, о посещении твоея обители пророчествия дар от Бога восприял еси, и по смерти на мори и на суши многа чудеса и цельбы с верою просящым сотворил еси и ныне твориши. Темже молим тя, не забуди присещати чад твоих: моли за ны, преподобне отче, приходящыя к тебе с верою, и за вся христианы, яко имеяй дерзновение к Безсмертному Царю Христу всех Богу. Не премолчи за ны ко Господу, и не презри нас верою и любовию чтущих тя и поминающих святую память твою. Аще бо ты и преставился еси от нас телом, но и по смерти живый духом, всегда чудодействуеши. Молитвами твоими сохраняй нас от стрел и козней вражиих, и всякия прелести бесовския, и от враг видимых и невидимых. Пастырю наш добрый! Аще мощи твоя в раце незрими нам суть, обаче, понеже всегда в Троице славимому Богу, при Престоле Его непостижимаго величествия неотступно в молитвах предстоиши, усердно к тебе прибегаем и просим: умоли и испроси нам время к покаянию, да в час исхода души прейдем от земных к небесным, мытарств же воздушных и вечныя муки избавимся, и Небесному Царствию наследницы будем со всеми от века угодившими. О всеблаженне отче наш Трифоне! Не презри и ныне нас, притекающих к тебе, яко да молитвами твоими и помощию спасаеми, славу и благодарение, хвалу и поклонение за вся в Троице единому Богу, всех Создателю возсылаем, Отцу и Сыну, и Святому Духу, ныне и присно и во веки веков. Аминь.

Тропарь преподобного Трифона Печенгского, Кольского

глас 8

Пути, вводящаго в жизнь, наставник и учитель был еси:/ первее бо, преподобне отче наш Трифоне,/ пришел еси в часть Норвегския земли/ и в последних концех северныя страны языки просветил еси,/ породив водою и Духом Святым,/ и священная твоя чада в безплодней пустыни,/ яко древа масличная, насадил еси,/ велию обитель Святыя и Живоначальныя, Единосущныя и Нераздельныя Троицы создал еси/ и монахов множество собрав./ Тем, яко апостолом и пустынножителем равночестна чтуще тя,/ прилежно припадающе, вопием:/ моли всех Бога за Русскую землю, за область твою и за вся люди,/ почитающия память твою.

Кондак преподобного Трифона Печенгского, Кольского

глас 8

Все твое умное желание к Богу вперив,/ Того званию невозвратно от души последовал еси,/ в пустыню конечную вселився,/ и, тамо ангельски и равноапостольне пожив,/ многим путь был еси ко спасению./ Сего ради и Христос тя прослави и даром чудес обогати./ Темже вси вопием ти:/ радуйся, исповедниче Христа Бога нашего;/ радуйся, граду твоему неколебимое утверждение, Трифоне, отче наш.

Акафист святому преподобному Трифону, Печенгскому чудотворцу    

 

      Кондак 1

   Избравшу тя Пастыреначальнику Христу во апостола страны северныя, абие отринул еси, досточудне Трифоне, мира сего красная, претерпел же всяко озлобление, благовестил еси седящым во тме и сени смертней Бога явльшагося плотию: темже со апостолы срадуется дух твой в небесных обителех. Имея убо дерзновение ко Христу Богу нашему, от всяких бед избави нас зовущих:

   Радуйся, Трифоне, страны северныя просветителю, Печенгский чудотворче.

     Икос 1

   Ангелы Своя странам и языком предстатели даровавый Бог, егда прииде времен исполнение, моления ради ангела страны, яже близ океана хладна, и народа лопска предстателя, призва тя во благовестие, всехвальный Трифоне, яко да спасени будут людие тии. Поминающе убо сия, вопием ти:

   Радуйся, священнаго корене благое прозябение.

   Радуйся, пустынным издетска житием сосуд избран себе Богови уготовавый.

   Радуйся, зван быв свыше, к океану морю преселивыйся.

   Радуйся, во Христе грядущее избавление тамо благовестивый.

   Радуйся, поспешествующей ти благодати Божией, приведый ко Христу чад множество.

   Радуйся, совершенною Христа любовию уязвився, образ по сем иноческий на себе приемый.

   Радуйся, Троицы Живоначальныя обитель устроивый, и яже ко Христу монахов ликостояния.

   Радуйся, велия ради смирения от начальства над обителию отрекийся, повелеваяй зверьми дивиими.

   Радуйся, течение свое святолепне скончав, благочестне ко Христу отшедый.

   Радуйся, яко обитель твоя, от враг разоренная, по словеси твоему паки возставится.

   Радуйся, по преставлении твоем царя Феодора спасый и всем потребная скоро подаваяй.

   Радуйся, Трифоне, страны северныя просветителю, Печенгский чудотворче.

     Кондак 2

   Видяща родителя твоя, досточудне Трифоне, издетска постническое твое житие, аще и стужастася о твоем терпении, обаче радовастася, проразумевающа, яко хощет Господь воздвигнути тебе нова миру светильника, и Тому воспеваста: Аллилуиа.

     Икос 2

   Разум свыше осени тя, преподобне, всего себе предати Христову изволению, имже в пустыню приведен был еси: тамо бо найде на тя Сила Божия, во еже благовестити Евангелие Христово народу иному. Темже вопием ти:

   Радуйся, иереа Божия радосте и матере твоея веселие.

   Радуйся, родителей честных чадо, от Бога зело возлюбленное.

   Радуйся, девство драгое и чистоту душевную соблюдый непорочны.

   Радуйся, издетска в дому Божии, аки Христос отрок, приметатися изволивый.

   Радуйся, услышавый тамо слово реченное: пустынным живот сокровен есть, божественным рачением воскриляющымся.

   Радуйся, оным гласом, яко воин, на служение Царю призванный.

   Радуйся, пустынным житием себе в добрем изволении утвердивый.

   Радуйся, во юности плотския страсти умертвивый.

   Радуйся, постом душу свою, во еже глас свыше слышати, предочистивый.

   Радуйся, от Христа языку лопску избранный благовестниче.

   Радуйся, еже о мире сем отложивый попечение и абие вослед Христу последовавый.

   Радуйся, Трифоне, страны северныя просветителю, Печенгский чудотворче.

     Кондак 3

   Силою во еже благовестити, свыше Христос облече тя, досточудне Трифоне. В пустыни бо, аки Моисеови древле в купине, глас ти бысть: «Иди в землю необетованную и рцы, яко любы обручения Моего не разорится». Егда же рекл еси: «Кто еси Господи»; отвеща ти: «Иисус Есмь, Егоже ты ищеши». Сия же слышав, со умилением преклонься, возопил еси Тому: Аллилуиа.

     Икос 3

   Имущу ти, аки Моисей, смирение велие, во еже отрещися такова звания, рекл еси, преподобне: «Невежда есмь, Господи, и малокнижен». Обаче Той заповеда ти: «Ничесоже вопреки глаголи, яко на вся послю тя, и идеши. вся, яже заповедаю ти, глаголи, не убойся, с тобою бо Есмь». Сего ради вопием ти:

   Радуйся, радости родителей твоих оправдание.

   Радуйся, видевый славы Отчия сияние.

   Радуйся, яко благодать Божия излияся на тя богатно.

   Радуйся, яко разумение ти языков дадеся.

   Радуйся, яко найде на тя дух премудрости и ведения.

   Радуйся, Духа Святаго приятелище.

   Радуйся, силою Божиею аки мечем препоясанный.

   Радуйся, яко рыбарь ко океану на уловление душ человеческих во спасение призванный.

   Радуйся, Андреа Первозваннаго, на горах Киевских благовестника ревнителю.

   Радуйся, Мефодиа и Кирилла избранный последователю.

   Радуйся, Гуриа и Варсонофиа, Стефана и Иннокентиа достойный преемниче.

   Радуйся, Трифоне, страны северныя просветителю, Печенгский чудотворче.

     Кондак 4

   Бури океана хладна не убоявся, любовию Христовою согреваемь, во страну северную преселился еси, досточудне Трифоне, да предложиши тамо народу Лопску огнь любве Божия, хлад и мрак души разгоняющ, во еже чистым сердцем и усты воспевати: Аллилуиа.

     Икос 4

   Слышаще идолов посрамление от тебе, злочестивии людий сих учителие, кебуни нарицаеми, злобу велию воздвигоша на тя, преподобне, по ланитома биюще, по каменем влачаще, и ины пакости деюще. Мы же зряще тя, со смирением таковая приемлюща, умильно вопием:

   Радуйся, яко купец многоценна ради бисера ко океану устремивыйся.

   Радуйся, ввергий мрежу свою на уловление душ во спасение.

   Радуйся, тщету идолов обличивый.

   Радуйся, сего ради аки Павлово от иудей страдание приемый.

   Радуйся, яко слово Божие светлостию лица твоего утверждашеся.

   Радуйся, яко слово твое пройде в сердца окамененная.

   Радуйся, от Бога создание всея твари из небытия народу лопарску возвестивый.

   Радуйся, благовестивый сим людем во Адаме наше падение, во Христе же обновление.

   Радуйся, отриновенныя Христовым обручением утешивый.

   Радуйся, благовестием твоим небесныя лики возвеселивый.

   Радуйся, ангела предстателя страны северныя себе явивый.

   Радуйся, Трифоне, страны северныя просветителю, Печенгский чудотворче.

     Кондак 5

   Боготечней звезде уподобився, всю страну северную обтекл еси, досточудне Трифоне. Яко бо денница, солнцу преходящая, от языка лопска привел еси ко Христу чад множество, иже со умилением сердца приимше крещение, возопиша о тебе Богу: Аллилуиа.

     Икос 5

   Видение бе дивное, егда от мрачна неведения тобою приведеннии Христови сочеташася: земля бо и небо ликоваху, во струях Печенги, аки Иордана и Днепра, зряща множество крещаемых. Поминающе убо сия, восклицаем ти:

   Радуйся, гласе вопиющаго, от народа лопска услышанный.

   Радуйся, Крестителя Христова собеседниче.

   Радуйся, яко тма идольская от тебе разорися.

   Радуйся, яко крест, аки знамя победное, тобою зде водрузися.

   Радуйся, яко трапеза бесовская ни во что же тамо вменися.

   Радуйся, яко вместо тоя утвердися тамо трапеза Христова спасительная.

   Радуйся, тобою бо Матерь Божия прославися.

   Радуйся, яко святии просвященным тобою людем присни сташа.

   Радуйся, яко Владимир святый, зря чад умножение, возвеселися.

   Радуйся, в распутиях мира сего обретый на вечерю Христову избранныя.

   Радуйся, Церкве от народа лопска создателю.

   Радуйся, Трифоне, страны северныя просветителю, Печенгский чудотворче.

     Кондак 6

   Егда проповедано бысть Евангелие всей стране северней, ин подвиг приял еси на себе, досточудне Трифоне. Языку бо крещену бывшу, абие прием образ ангельский, создал еси обитель Живоначальныя Троицы, в нюже стечеся инок множество, во еже пети Богу: Аллилуиа.

     Икос 6

   Возсия во мраце Севера, яко светильник света невечерняго, обитель от тебе созданная, светом Троическим вся осиявающая. Темже радующеся вопием ти:

   Радуйся, апостолом веселие, преподобным же удобрение.

   Радуйся, кукулем, аки венцем незлобия, главу свою увязивый.

   Радуйся, поясом чресла своя во умерщвление плоти препоясавый.

   Радуйся, Иоанну Богом возлюбленну поревновавый.

   Радуйся, нестяжания учителю.

   Радуйся, смирения великаго носителю.

   Радуйся, каменю, на немже создася жилище Пресвятыя Троицы.

   Радуйся, в жилищих тмы селение света невечерняго соделавый.

   Радуйся, яко возстена князь мира сего, зря воинства Христова водворение.

   Радуйся, яко зде ста колесница, Иезекиилем созерцанная.

   Радуйся, яко вознесеся седящему на ней песнь великая, в вышних песнословимая.

   Радуйся, Трифоне, страны северныя просветителю, Печенгский чудотворче.

     Кондак 7

   Хотяй чада своя препитати и спасти, егда глад стране прилучися, блаженному Гурию предал еси, досточудне Трифоне, обитель от тебе созданную, сам же изшед во Отечествие, осмерицу лет по градом тамо прехождал еси, даяния блага приемля и поя Богу: Аллилуиа.

     Икос 7

   Новую купель Силоамскую яви тя Бог, преподобне, егда странен сый во Отечествии, приемля даяния, многоценна сокровища всем источал еси, тобою бо слепии прозираху, немии глаголаху, недужнии здравие улучаху. Чудящеся сему, ублажаем тя:

   Радуйся, Моисеови уподобивыйся.

   Радуйся, Товита праведна ревнителю.

   Радуйся, яко Товиа в путех ангелом храненный.

   Радуйся, святителя Николаа Мирликийскаго подражателю.

   Радуйся, Сампсона страннолюбива и Филарета милостива увеселителю.

   Радуйся, алчущих питателю.

   Радуйся, сирых заступление.

   Радуйся, вдовиц ограждение.

   Радуйся, младенцев соблюдение.

   Радуйся, милосердия учителю.

   Радуйся, образе жития богоугоднаго.

   Радуйся, Трифоне, страны северныя просветителю, Печенгский чудотворче.

     Кондак 8

   Странствие скончавая, к царствующему граду устремился еси, досточудне Трифоне, идеже новое о тебе чудо благоволи Бог сотворити: не сущу бо еще ти тамо, со единем от обители Соловецкия цареви предстал еси дивно. Темже последи той, приемль тя любовию, всякаго исполни даяния, поя Богу: Аллилуиа.

     Икос 8

   Весь благоговеинства исполнився, в тое же время царевич Феодор, изшед от церкве, посла ти, преподобне, одежды своя, яко да милостыня его предъидет царскому даянию, еже и бысть по сем велие. Темже вопием ти:

   Радуйся, смирения ради вознесенный.

   Радуйся, сильным мира сего явленный.

   Радуйся, яко царь пришествию твоему удивися.

   Радуйся, яко явлением двою той возвеселися.

   Радуйся, от царя достойне почтенный.

   Радуйся, от сына царева одаренный и возлюбленный.

   Радуйся, от напастей сего выну соблюдавый.

   Радуйся, яко милостынею его обитель твоя снабдеся.

   Радуйся, яко благочестием его царство Российское увеселися.

   Радуйся, яко царство наше цари благочестивыми украшается.

   Радуйся, яко святыми мужи оное утверждается.

   Радуйся, Трифоне, страны северныя просветителю, Печенгский чудотворче.

     Кондак 9

   Всяких дарований исполнен сый, паки во страну северную, аки солнце к захождению, притек, досточудне Трифоне, создал еси церковь благоверных князей Бориса и Глеба, и оставль обитель, в дольней пустыни водворився, остаток дний своих препроводил еси в терпении мнозе, поя Богу: Аллилуиа.

     Икос 9

   Витии от инок дивное еже ти тварей повиновение всюду возвестиша, преподобне: не сущу бо ти единожды в келлии, зверь дивий в ню вниде и начат бывшая ясти. Возвращшу же ти ся и наказавшу сего, николиже паки ко обители твоей от тацех приближатися смеяше. Сему же чудящеся, взываем ти:

   Радуйся, ластовице пустыннолюбивая.

   Радуйся, Успенския пустыни украшение.

   Радуйся, молчания образе.

   Радуйся, прилоги лукаваго уразумевый.

   Радуйся, гордыни его не приложивыйся.

   Радуйся, стрелы того безсильны явивый.

   Радуйся, в конец сего посрамивый.

   Радуйся, Адаму первозданну уподобивыйся.

   Радуйся, яко тя зверие дивии царя себе познаша.

   Радуйся, от земнородных прозябение дивное.

   Радуйся, кораблю великий, ко пристанищу тихому приблизивыйся.

   Радуйся, Трифоне, страны северныя просветителю, Печенгский чудотворче.

     Кондак 10

   Спасти хотя собранныя, прежде кончины твоея досточудне Трифоне, паки во обитель твою прешел еси, и Богови служение заповедал еси братии: юже грядущаго ради озлобления Христовым утешив милосердием, в небесныя кровы отшел еси, идеже со святыми поеши Богу: Аллилуиа.

     Икос 10

   Стена был еси чадом обители твоея, преподобне, иже со умилением поюще надгробная, положиша святое тело твое, якоже заповедал еси, в пустыне тобою возлюбленней Зряще же оное токи чудес источающее, радостно возопиша:

   Радуйся, Пресвятыя Троицы изрядный почитателю.

   Радуйся, Девы Преблагословенныя ублажателю.

   Радуйся, святым Зосиме, Савватию и Герману единонравный.

   Радуйся, добре Богови поживый.

   Радуйся, в старости мастите ко Христу преселивыйся.

   Радуйся, яко глава твоя, приклонена сущи, труды извествоваше.

   Радуйся, седина бо твою мудрость обличаше.

   Радуйся, таланты, от Бога ти вданныя, приумноживый.

   Радуйся, благий рабе, вшедый в радость Господа твоего.

   Радуйся, честных монахов похвало и украшение.

   Радуйся, обители твоея присный Богови предстателю.

   Радуйся, Трифоне, страны северныя просветителю, Печенгский чудотворче.

     Кондак 11

   Пение всеумиленное приносим ти, досточудне Трифоне! Обитель бо твоя, аще по словеси твоему от свеев разорися, обаче страданием братий прославльшися, паки возставися. Аще и вторицею опусте, силою же лучшею ныне обновися, в нюже иноцы текуще, о тебе радостно Богови поют песнь немолчную: Аллилуиа.

     Икос 11

   Светозарней звезде уподобися обитель твоя, преподобне, егда ю свее разоряху: чада бо, тобою собранная, терпением враги посрамиша, венцы мученическими украсишася, и купно с церковию огнем попалившася, яко жертва угодна Богови принесошася. Поминающе убо таковая, умильно вопием ти:

   Радуйся, грядущая в Бозе созерцаяй.

   Радуйся, обители разорение предъявивый.

   Радуйся, до времене ю вои небесными соблюдавый.

   Радуйся, яко ученик твой Иона, молитвами тя выну чтый, в пустыни твоей от меча скончася.

   Радуйся, Гуриа, Германа и иных прославленных Богом подвижников веры и благочестия наставниче.

   Радуйся, яко вся чада твоя от Христа прияшася.

   Радуйся, яко обитель твоя паки возставися.

   Радуйся, яко паки тем светильник благочестия страны даровася.

   Радуйся, тою лжеучения сокрушаются.

   Радуйся, святыя бо твоя мощи аки камень краеуголен являются.

   Радуйся, яко вся коемуждо полезная молитвами твоими даруеши.

   Радуйся, Трифоне, страны северныя просветителю, Печенгский чудотворче.

     Кондак 12

   Благодати Христовы носителю, досточудне Трифоне! С верою тя призывающым полезная подаеши, от напастей же, яко царя Феодора, скоро избавляеши. Сему бо нощию явився во стане, рекл еси: «Скоро изыди, да не найдет на тя смерть нечаянная». Сия же сотворшу ему, абие от стреляния вражеска скиния опровержеся и ложе разметася, людие же чудящеся пояху: Аллилуиа.

     Икос 12

   Поюще Богу песнь благодарения, радуемся о тебе, преподобне, яко вся нам полезная даруеши. Тобою бо пагуба отгоняется, здравие улучается, мир и благоустроение водворяется: понеже на небесех присно ходатайствуеши о нас, взывающих ти сице:

   Радуйся, на небесех о нас теплый предстателю.

   Радуйся, почитающих тя верный хранителю.

   Радуйся, не чтущих тебе вразумителю.

   Радуйся, духов злобы отгонителю.

   Радуйся, помраченных умы просветителю.

   Радуйся, недугов изрядный целителю.

   Радуйся, от потопления морскаго спасателю.

   Радуйся, яко тобою царю Феодору даровася избавление.

   Радуйся, яко тобою небесное царей наших познася соблюдение.

   Радуйся, яко тобою всяка печаль отгоняется.

   Радуйся, яко тобою благочестие во обители твоей и по всей стране сей утверждается.

   Радуйся, Трифоне, страны северныя просветителю, Печенгский чудотворче.

     Кондак 13

   О преподобне и досточудне отче наш Трифоне! Живоначальней предстоя Троице, в неприступнем свете и радости неизглаголанней, приими сие от умиленнаго ти сердца возносимое хваление, и не престай моляся о нас, да поживше благочестне, по успении нашем сретени от тебе обрящемся на небесех, и воспоем Богови со ангельскими лики: Аллилуиа.

 Этот кондак читается трижды, затем икос 1-й и кондак 1-й

(485)